Наверх

1 верасня ў Цешаўлянскай школе. Фотарэпартаж

01.09.2020 1323 Наш край

295 хлопчыкаў і дзяўчынак у Баранавіцкім раёне пайшло сёлета першы раз у першы клас. Для дзяцей і іх бацькоў дзень 1 верасня стаў асаблівым святам.

1-09-rajon_04.jpg

У новым статусе прымае сёлета вучняў і выхаванцаў Цешаўлянская школа, якая была рэарганізавана ў навучальна-педагагічны комплекс. Школа ў Цешаўле была пабудавана ў 1972 годзе. З мінулага года тут пачалася сур’ёзная рэканструкцыя, пасля якой у частцы навучальнай установы размясціўся дзіцячы сад; за гэты час капітальна адрамантаваны майстэрні, спартыўная зала, заменены дах, адноўлены асноўны ўваход. На выкананне праекта было выдзелена больш за 560 тысяч рублёў з раённага бюджэту.

1-09-rajon_02.jpg

Пад адным дахам у гэтым навучальным годзе тут будуць займацца 61 вучань і 16 выхаванцаў не толькі з Цешаўле, але і з вёсак Люшнева, Лебяжаны і пасёлка Першамайскі. Для 20 навучэнцаў арганізаваны падвоз школьным аўтобусам.

1-09-rajon_05.jpg

Ва ўрачыстай лінейцы, прысвечанай Дню ведаў, прынялі ўдзел ганаровыя госці. Павіншаваў усіх са святам старшыня Баранавіцкага райвыканкама Міхаіл Палуян. Ён адзначыў, што Першага верасня заўсёды напоўнена асаблівым сэнсам.

1-09-rajon_06.jpg

– Для кожнага настаўніка – гэта чарговая прыступка ва ўдасканаленні свайго майстэрства; для выпускнікоў – этап выбару і вызначэння жыццёвага шляху; для першакласнікаў – пачатак дзіўнага школьнага жыцця, поўнага новых ведаў і адкрыццяў, – сказаў Міхаіл Мікалаевіч. – У раёне сістэматычна аднаўляецца матэрыяльна-тэхнічная і вучэбная базы, праводзяцца бягучыя і капітальныя рамонты. Толькі ў гэтым годзе на рамонты ўстаноў адукацыі было выдзелена 668 тысяч рублёў, з якіх 575 тысяч – са сродкаў раённага бюджэту. Мы заўсёды ганарымся тымі дасягненнямі, поспехамі вучняў і іх настаўнікаў, якімі праслаўляецца не толькі наш раён, але і ўся рэспубліка.

1-09-rajon_07.jpg

1-09-rajon_08.jpg

1-09-rajon_09.jpg

Трэба адзначыць, што вучні з Цешаўлянскай навучальнай установы штогод удзельнічаюць у алімпіядах, конкурсах, навукова-практычных канферэнцыях, выконваюць даследчыя работы, у скарбонцы – узнагароды не толькі раённага, але і абласнога і  рэспубліканскага ўзроўняў.

Напрыклад, турыстычная група школьнікаў пад кіраўніцтвам настаўніка фізічнай культуры і здароўя Аляксандра Азаркі двойчы станавілася прызёрам абласнога этапу конкурсу на лепшы турыстычны паход «Пазнай Радзіму – выхавай сябе». Навучэнцы ўстановы Ягор і Дар’я Кавалевіч пад кіраўніцтвам настаўніка гісторыі Васіля Дубейкі былі пераможцамі абласнога этапу рэспубліканскага конкурсу даследчых работ «Спадчына Беларусі», а таксама абласнога этапу рэспубліканскага конкурсу «Збяры Беларусь у сваім сэрцы».

Вучаніцы ХІ класа Ілона Аўдзей і Анастасія Таварасьян паспяхова прынялі ўдзел у рэспубліканскай навукова-практычнай канферэнцыі «Краязнаўчыя даследаванні як сродак далучэння навучэнцаў да навукова-даследчай дзейнасці».


1-09-rajon_10.jpg

1-09-rajon_11.jpg

1-09-rajon_12.jpg

1-09-rajon_13.jpg

1-09-rajon_14.jpg

1-09-rajon_15.jpg

1-09-rajon_16.jpg

Словы ўдзячнасці ў гэты дзень прагучалі ў адрас будаўнікоў, якія якасна і ў вызначаны тэрмін выканалі работы па рэканструкцыі і капітальным рамонце навучальнай установы. Дырэктару Цешаўлянскай дзіцячы сад – сярэдняй школы Васілю Дубейку быў уручаны сімвалічны ключ, кіраўнік генпадраднай арганізацыі «Яністрой» Віктар Вярбіла для ўмацавання матэрыяльна-тэхнічнай базы падарыў тэлевізар, а старшыня райвыканкама – сертыфікат на 2 000 рублёў. 

І сапраўднымі героямі свята сталі першакласнікі, якім былі ўручаны шматлікія падарункі. У добры шлях!

1-09-rajon_17.jpg

1-09-rajon_01.jpg

1-09-rajon_18.jpg

1-09-rajon_19.jpg

1-09-rajon_20.jpg

1-09-rajon_21.jpg

1-09-rajon_22.jpg

1-09-rajon_23.jpg

Іна ГАНЧАР

Фота Барыса Наваграна




  • Мы в социальных сетях: