Полонковская школа:
Дзень ведаў адзначыла Лаўрынавіцкая базавая школа
Добры дзень! У добры шлях!
Жоўты ліст, як пасланец сусвету,
У танцы апускаецца да долу.
Радасцю нас адарыла лета.
Верасень паклікаў зноў у школу.
Урачыстая лінейка, прымеркаваная да Дня ведаў, прайшла сёння ў нашай установе адукацыі. Настаўнікі, вучні, бацькі, госці зранку прыйшлі ў школу, каб разам адзначыць пачатак новага навучальнага года. Хваляваліся ўсе: настаўнікі, бо для кожнага з іх новы навучальны год – яшчэ адна старонка ў іх настаўніцкім жыцці, вучні, бо сустрэча з новымі ведамі і адкрыццямі заўсёды хвалюючая, бацькі, бо іменна на такіх мерапрыемствах яны назіраюць, як з кожным годам мацнеюць, набіраюцца сіл, распраўляюць крылы іх дзеці.
Словы віншаванняў і пажаданняў толькі добрай і выдатнай вучобы былі выказаны шматлікімі гасцямі нашага свята. Прыемна, што прадстаўнікі сельгаспрадпрыемства «Крошын» па добрай традыцыі ўручылі грашовыя падарункі выдатнікам вучобы.
У Беларусі 2024 год аб’яўлены Годам якасці, а гэта накладвае свой адбітак на працу кожнага, патрабуе ад настаўнікаў, вучняў, бацькоў поўнай самааддачы. Хочацца ўсім пажадаць у новым навучальным годзе здароўя і натхнення, радасці і гонару за нашу краіну. Няхай 2024/2025 навучальны год будзе напоўнены светлымі і добрымі падзеямі, стане годам якасці, моцных і трывалых ведаў.
Перховичская СШ:
Подгорненская СШ:
Столовичская СШ:
Дзень ведаў “Школа зноў вітае нас” у Арабаўшчынскай базавай школе
Дзень ведаў «Школа зноў вітае нас» для вучняў 1–9-х класаў пачаўся 2 верасня традыцыйнай урачыстай лінейкай, прысвечанай Першаму званку. Першы ўрок праведзены для школьнікаў на тэму «Нам ёсць чым ганарыцца, нам ёсць што берагчы!». У кожным класе таксама прайшлі мерапрыемствы па асновах асабістай бяспекі.
Мэтай першага ўрока стала ўсведамленне вучнямі сваёй прыналежнасці да беларускага народа, фарміраванне грамадзянскасці і патрыятызму, выхаванне павагі, гонару за сваю краіну.
На ўрачыстай лінейцы першакласнікі атрымалі ў падарунак ад Прэзідэнта Рэспублікі Беларусь Аляксандра Рыгоравіча Лукашэнкі кнігу «Беларусь – наша Радзіма». Кнігі вучням першага класа ўручылі генеральны дырэктар агракамбіната «Мір» Крамянеўскі Віктар Іосіфавіч і дырэктар Баранавіцкага райаграсервісу Юрый Аляксандравіч Лявонцьеў.
Дзень ведаў стаў сімвалічным і для вучняў 9-га класа. Так, выпускнікам госці Дня ведаў уручылі кнігу «Я – грамадзянін Рэспублікі Беларусь».
