Наверх

«Буслы вярнуліся!» Ліст з Лаўрынавіч пра Бусю і Басю

05.04.2022 884 Наш край

Такую кранальную замалёўку і фота атрымала сёння рэдакцыя «Нашага краю» ад Лаўрынавіцкай дзіцячага сада – сярэдняй школы:

«Зноў вясна. Зноў планіруюць буслы над нашай зямелькай. Кожная птушыная сям’я вяртаецца на сваё гнездзішча. Вярнуліся да роднага гнязда і нашы школьныя буслы – Буся і Бася.

Другі год запар выбіраюць яны месцам для прадаўжэння свайго роду нашу школьную буслянку. І хоць на дварэ ляжыць снег, хоць зіма неспадзявана вярнулася, нашы буслы пачалі абнаўляць сваё гняздо.

Дык няхай шчасціць вам, буслы, на нашай тэрыторыі! Будуйцеся, выводзьце дзетак і радуйце ўсіх нас сваёй прыгажосцю і вернасцю роднай зямлі!»




  • Мы в социальных сетях: