Цэнтральная раённая бібліятэка правяла конкурс выразнага чытання «Наталенне радзімай», прысвечаны 220-годдзю з дня нараджэння славутага земляка Яна Чачота.
У выніку першае, другое і трэцяе прызавыя месцы занялі адпаведна Анастасія Юркавец, Ганна-Марыя Пячко і Таццяна Сілівончык. Прыз сімпатый гледачоў атрымаў Іван Шыленкоў. А спецпрыз старшыні журы Міхаіл Вайцэховіч, намеснік начальніка аддзела ідэалагічнай работы, культуры і па справам моладзі, уручыў Дане Петручэні.
Астатнім удзельнікам конкурса дырэктар раённай цэнтралізаванай бібліятэчнай сістэмы Мілана Проніна заахвоціла дыпломамі. Прыняў удзел у конкурсе 31 прыхільнік кнігі, узрост канкурсантаў – ад 7 да 58 гадоў.
Віталь ГЕРЦАЎ.
Фота аўтара.
