Баранавіцкая зямля заўсёды была шчодрай на таленавітых, адданых любімай справе людзей. Можна доўга пералічваць творцаў, лёс якіх тым ці іным чынам пераплёўся з нашымі мясцінамі, але напярэдадні свята бібліятэк хочацца ўспомніць тых людзей, якія сваё жыццё прысвяцілі паэзіі і каго, на жаль, ужо няма побач з намі. З гэтай нагоды цэнтральная раённая бібліятэка імя Яна Чачота запрашае ўсіх аматараў і прыхільнікаў сучаснай беларускай паэзіі на вечарыну памяці «Святло іх зорак шлях нам асвячае», прысвечаную Алесю Корневу, Юрыю Мацюшку і Міколе Бусько.
 
У час мерапрыемства вы не толькі пачуеце вершы слынных творцаў і песні на іх словы, успаміны іх родных аб жыцці і творчасці майстроў паэтычнага слова, але і папрысутнічаеце на прэзентацыі зборніка «Чыстая музыка неба», ў які ўвайшлі вершы Міколы Бусько. Чакаем вас 10 верасня ў 13.30 у актавай зале цэнтральнай раённай бібліятэкі імя Яна Чачота.  

Святлана КРОПАТАВА