Дарагія браты і сёстры ў Хрысце, людзі добрай волі!
«Хрыстус уваскрос з мёртвых!» – гэтыя словы адлюстроўваюць таямніцу радасці ўсіх хрысціян. Увесь каталіцкі свет радуецца Уваскрасенню Хрыста Пана, які адкрыў веруючым дарогу ў Рай. Стоячы над пустой грабніцай, мы радуемся з перамогі Пана, які сваім Уваскрасеннем перамагае смерць, сатану і грэх.
Ад усяго сэрца шчыра віншую ўсіх вернікаў і людзей добрай волі, таксама тых, хто шукае Бога, з радасным святам Уваскрасення Пана Езуса Хрыста.
Жадаю ўсім вам глыбокай веры, жывой надзеі і сапраўднай любові. Няхай гэтае свята будзе для ўсіх крыніцай святла і надзеі, няхай паглыбляе веру ў перамогу жыцця над смерцю, ласкі – над грахом.
Валянцін НОВАК, ксёндз, дзекан Баранавіцкага дэканату Пінскай дыяцэзіі.