У гісторыі кожнага народа ёсць паэтычнае імя, якое з’яўляецца яго неафіцыйным сімвалам, якое першае ўсплывае ў памяці, калі заходзіць гаворка пра гэты народ. Для нас – беларусаў – гэта Янка Купала і Якуб Колас. 2022 год – знакавы для нашай краіны. Сёлета шырока адзначаецца 140-гадовы юбілей беларускіх песняроў. З гэтай нагоды ў публічных бібліятэках Баранавічаў на працягу года ладзіліся святочныя мерапрыемствы.
Кульмінацыяй юбілейнага года стала літаратурнае свята “На кожнай сцяжынцы іх песня і голас…”, якое адбылося 24 лістапада ў цэнтральнай гарадской бібліятэцы імя В. Таўлая. Кожны, хто завітаў у гэты дзень у бібліятэку, меў магчымасць акунуцца ў атмасферу свята беларускага слова.
Наведвальнікі маглі пазнаёміцца з маляўнічай кніжнай экспазіцыяй “Твае песняры, Беларусь!”, дзе былі прадстаўлены выданні аб жыцці і творчасці Я. Купалы і Я. Коласа, яскравыя ілюстрацыі беларускіх мастакоў і, канешне, неўміручыя творы беларускіх класікаў.
Па-сапраўднаму святочны настрой стварылі для гасцей удзельнікі арт-фольк групы “Крамяніца”, Валерыя і Аліса Чарненкі, навучэнцы дзіцячай музычнай школы мастацтваў № 3, удзельнікі танцавальнага ансамбля “Карусель МІХ” дзіцячай харэаграфічнай школы мастацтваў, народны ансамбль танца “Юрачка” гарадскога Дома культуры.
Цэнтральнай падзеяй літаратурнага свята стала ўзнагароджанне пераможцаў і ўдзельнікаў відэаконкурсу чытальнікаў “І сёння з намі Колас і Купала”.
Конкурс праводзіўся цэнтральнай гарадской бібліятэкай з 1 верасня па 31 кастрычніка з мэтай абуджэння цікавасці дзяцей і моладзі да паэтычнага слова, папулярызацыі творчасці беларускіх песняроў. Усім жадаючым ва ўзросце ад 6 да 25 гадоў прапаноўвалася зняць невялікі ролік з відэазапісам мастацкай дэкламацыі твораў Я. Купалы ці Я. Коласа. Ад канкурсантаў паступіла 26 відэаработ, арыгінальнасць і мастацкі ўзровень якіх быў высока ацэнены журы. Лепшыя відэаролікі сталі сапраўдным ўпрыгожаннем святочнага мерапрыемства.
Прыемным сюрпрызам для гасцей сустрэчы стала віншаванне і падарункі ад дырэктара кінатэатра “Октябрь” Ганны Насковай.
У сувязі з розным узростам удзельнікаў конкурсу было вырашана вылучыць некалькі ўзроставых катэгорый і асобныя намінацыі.
Узроставая катэгорыя “1–4 класы”:
І месца
Гайдук Надзея (4 кл. СШ № 19), верш Я. Коласа “Ручэй”.
ІІ месца
Шамкуць Дар’я (2 кл. СШ № 10), верш Я. Купалы “Не шукай”.
ІІІ месца
Мацяс Аляксандра (3 кл. гімназія № 5) верш Я. Коласа “На полі вясною”.
Намінацыя “Маленькія таленты”
Творчая група “Рамонак” (дзіцячы сад № 33, выхавальнік Лук’янёнак Галіна Аляксандраўна).
Узроставая катэгорыя “5–8 класы”:
І месца
Глазкова Дар’я (6 кл. СШ № 19), Я. Колас “Песня ляснога жаваранка”,
Саўчук Аляксей (6 кл. СШ № 19), Я. Колас урывак з аповесці “Дрыгва”.
ІІ месца
Дуняк Мікіта (6 кл. СШ № 19), Я. Купала “Хлопчык і лётчык”.
ІІІ месца
Рачкоўская Дар’я (6 кл. СШ № 9), Я. Колас “Адлёт жураўлёў”,
Ківель Марк (6 кл. СШ № 9), Я. Колас “Конь і сабака”.
Намінацыя “Калектыўная творчасць”
ДУК “Ляхавіцкая раённая цэнтралізаваная бібліятэчная сістэма”
верш Я. Купалы “Спадчына”.
Намінацыя “За шчырасць выканання”
Раброў Ілья (8 кл. СШ № 10), верш Я. Купалы “А яна”.
Узроставая катэгорыя “9–11 класы”:
І месца
Вейкуць Ягор і Цыган Алеся (11 кл. СШ №1) вершы Я. Купалы “Каханне”, “Сон”.
ІІ месца
Страленя Ульяна (10 кл. СШ № 10), верш Я. Коласа “У летні адпачынак”.
ІІІ месца
Фадзеева Дар’я (11 кл. гімназіі № 1), урывак з трылогіі Я. Коласа “На ростанях”,
Анацкая Анастасія (9 кл. СШ № 13), урывак з трылогіі Я. Коласа “На ростанях”.
Узроставая катэгорыя “Студэнты і дарослыя”:
Намінацыя “Нацыянальны каларыт”
Тарасевіч Максім (студэнт 3-га курса Баранавіцкага дзяржаўнага каледжа будаўнікоў), Я. Колас “Раніца ў нядзельку”,
Канапацкая Вераніка і Патоцкі Яўген (студэнты 1-га курса Баранавіцкага тэхналагічнага каледжа), верш Я. Купалы “Над калыскай”.
Намінацыя “Арыгінальнасць падачы матэрыялу”
Ермаленка Вікторыя (бібліятэкар гімназіі № 1), верш Я. Купалы “Мая малітва”.
Намінацыя “Прыз глядацкіх сімпатый”
Ківель Марк (6 кл. СШ № 9), Я. Колас “Конь і сабака”.
Віншуем пераможцаў!
Надзея КІПЕЛЬ, вядучы бібліятэкар аддзела абслугоўвання і інфармацыі цэнтральнай гарадской бібліятэкі імя В.Таўлая
Фота Алены АЛЬПЯРОВІЧ
