Прэзентацыя выстаўкі малюнкаў “Когда веришь в чудеса” навучэнцаў летняй школы дзіцячай студыі дэкаратыўнага мастацтва пад кіраўніцтвам Ірыны Літвінюк адбудзецца ў цэнтральнай гарадской дзіцячай бібліятэцы, паведамляецца на сайце tavlay-library.by.
Увазе прысутных будуць прадстаўлены 44 творчыя работы, выкананыя ў 12 тэхніках на 12 розных тэм. Сярод аўтараў – навучэнцы студыі ва ўзросце ад 4-х да 16-ці гадоў. Дарэчы, для некаторых юных творцаў персанальны ўдзел у выстаўцы адбудзецца ўпершыню.
Адкрыццё выстаўкі будзе праходзіць у тэатралізаваным фармаце пры ўдзеле казачнай Мухі-Цакатухі. С музычным падарункам у бібліятэку завітаюць навучэнцы дзіцячай музычнай школы мастацтваў № 2 г. Баранавічы.
Завяршальнай нотай мерапрыемства стане ўзнагароджанне аўтараў творчых работ граматамі і прызамі.
Пачатак 26 лiстапада ў 15:00. Адрас: вул. Камсамольская, 23А. Даведкі па тэл.: 66 29 13. Узрост: 0+.